「iPhone 5 首次曝光，即將上市。1.5GHz A4 處理器，使用全新材質氮塗層外殼，這種氮塗層外殼具有防劃防磨的特效。800 萬感測器，而且 iPhone 5 完全解決了信號問題，並將支援 4G 連接，擁有 32GB 記憶體或 64GB，此外，在續航能力方面也得到了大幅提高。」上述係一條近日網友熱講嘅話題《蘋果 iPhone5 先睹為快》，單係微博上已有近萬次轉發同一千多條評論，不過呢條訊息未得到 Apple 官方證實。
更高像素鏡頭可能性：高
網上傳言稱，Sony 正為 iPhone 5 開發性能更佳嘅 800 萬像素鏡頭。其實早喺今年 4 月 iPhone 4 仲未發佈時，已有消息稱 iPhone 5 配備由 Sony 提供嘅 800 萬像素鏡頭模組元件。拍照質量不單止睇像素，如果處理晶片質素差，高像素也形同虛設。
更快速 CPU 可能性：高
目前 1GHz CPU 主頻幾乎係高端智能手機嘅標配，但隨著 Moto Droid 2 Global 率先用上 1.2GHz 嘅 CPU，相信明年更多 Android 旗艦手機會跟風。因此今次傳言 iPhone 5 將會用 1.5GHz 嘅蘋果 A4 處理器，並非空穴來風。自 Apple 收購 PA 半導體公司後，就開始設計同推出自家 CPU，如果 iPhone 5 使用新 A4 處理器，速度達到 1.5GHz 值得期待。
外殼採用氮塗層新材質可能性：中
iPhone 4 一出，唔少人會測試手機將螢幕撻碎，因此 iPhone 5 有必要提升抗摔性。據一家生產特殊材料廠家爆料，iPhone 5 將使用該廠生產嘅全新材質氮塗層外殼，號稱具有防劃防磨特效。該螢幕特性同 iPhone 4 配備嘅矽鋁酸鹽玻璃面板 (直升機和高速列車使用的玻璃，硬度是塑膠嘅 30 倍，耐刮劃) 特性相似，但係是否言大於實要等 iPhone 5 上市後試過先知。
